مہاجرین کی میزبانی کے باوجود دشمنی ناقابل قبول، بلوچستان کے شہریوں کا ردعمل

کو ئٹہ( پاکستان خبر)بلوچستان میں شہریوں نے افغان مہاجرین کی طویل میزبانی کے باوجود پاکستان کے خلاف رویوں پر شدید تحفظات کا اظہار کیا ہے اور اسے ناقابل برداشت قرار دیا ہے۔مختلف شہریوں کا کہنا ہے کہ پاکستان نے برسوں تک خلوص اور ہمدردی کے ساتھ افغان باشندوں کو پناہ دی، انہیں رہائش، تعلیم اور روزگار سمیت بنیادی سہولیات فراہم کیں اور ہر مشکل وقت میں ساتھ کھڑا رہا۔انہوں نے کہا کہ عوام نے اپنی استطاعت سے بڑھ کر مہمان نوازی کا مظاہرہ کیا، تاہم اس کے برعکس حالیہ صورتحال نے مایوسی کو جنم دیا ہے۔شہریوں کے مطابق توقع تھی کہ خطے میں امن کے قیام کے لیے مثبت اقدامات کیے جائیں گے، مگر اس کے برعکس حالات نے تشویش کو بڑھا دیا ہے۔ان کا کہنا تھا کہ پائیدار امن کے لیے ضروری ہے کہ تمام فریقین ذمہ داری کا مظاہرہ کریں اور ایسے اقدامات سے گریز کیا جائے جو خطے میں بدامنی کو فروغ دیں۔