میچ کے دوران ہنگامہ، شائقین کے میدان میں گھسنے پر تحقیقات شروع

 ڈریسڈن( سپورٹس ڈیسک)جرمنی کے شہر ڈریسڈن میں فٹبال میچ کے دوران پیش آنے والے ہنگامے کے بعد پولیس نے واقعے کی تحقیقات کا آغاز کر دیا ہے۔رپورٹس کے مطابق مقامی لیگ کے ایک میچ کے ابتدائی لمحات میں شائقین اچانک میدان میں داخل ہو گئے جس سے صورتحال کشیدہ ہو گئی۔ پولیس کو فوری طور پر مداخلت کرنا پڑی، مشتعل گروہوں کو الگ کیا گیا اور میدان کو محفوظ بنایا گیا۔افراتفری کے باعث کھیل کو کچھ دیر کے لیے روک دیا گیا، تاہم تقریباً بیس منٹ بعد میچ دوبارہ شروع کر دیا گیا۔پولیس حکام کا کہنا ہے کہ واقعے کے حوالے سے متعدد پہلوؤں پر تحقیقات جاری ہیں، جن میں امن و امان کی صورتحال، جسمانی نقصان، املاک کو نقصان، بدسلوکی اور ٹکٹ سے متعلق بے ضابطگیاں شامل ہیں۔دوسری جانب میزبان کلب نے اس واقعے پر افسوس کا اظہار کرتے ہوئے ان تماشائیوں سے معذرت کی ہے جو اس ہنگامے کا حصہ نہیں تھے، جبکہ انتظامیہ نے مستقبل میں ایسے واقعات کی روک تھام کے عزم کا اظہار بھی کیا ہے۔