مسجد اقصیٰ میں پھر کشیدگی، اسرائیلی وزیر کی کارروائی پر شدید ردعمل

بیت المقدس( مانیٹرنگ ڈیسک)بیت المقدس میں ایک بار پھر کشیدگی اس وقت بڑھ گئی جب ایک انتہا پسند اسرائیلی وزیر نے مسجد اقصیٰ کے احاطے میں داخل ہو کر صورتحال کو مزید خراب کر دیا۔رپورٹس کے مطابق اسرائیلی وزیر کی جانب سے نمازیوں کے داخلے پر پابندیوں میں مزید سختی کر دی گئی، جبکہ پولیس کی بھاری نفری بھی مسجد اقصیٰ کے احاطے میں داخل ہو گئی۔مسلسل اشتعال انگیز اقدامات کے باعث علاقے میں تناؤ میں اضافہ ہو رہا ہے اور حالات مزید خراب ہونے کا خدشہ ظاہر کیا جا رہا ہے۔مشرقی یروشلم میں اسلامی اور مسیحی مقدس مقامات کی بے حرمتی کے واقعات بھی رپورٹ ہوئے ہیں، جس پر عالمی سطح پر تشویش کا اظہار کیا جا رہا ہے۔عالمی مذمت کے باوجود اسرائیلی وزیر کی جانب سے اشتعال انگیز کارروائیاں جاری ہیں، جس سے خطے میں امن کی صورتحال متاثر ہونے کا خدشہ بڑھ گیا ہے۔